ТАЛАПКЕР

Құрметті талапкер!

 

 Егер сіз бәсекеге қабілетті, еліміздің  ертеңіне өз үлесіңізді қосып, белсенді азаматтар қатарынан табылып, еңбек нарығында сұранысқа ие білікті маман болғыңыз келсе, онда "Абылай хан атындағы колледжіне қош келдіңіз"!

Мұнда сізді қаншама жас маман кадрларын шыңдап шығарған тәжірибелі оқытушылар күтеді. Олар сізді түрлі мамандықтар бойынша шеберліктің бастамаларына үйретеді. Атап айтсақ, мұғалім, аудармашы мұнайшы, құрылысшы, заңгер, қаржыгер, құтқарушы, өрт сөндіруші, т.с.с. абыройлы  мамандықтардың өзіндік таңғажайып  әлемін ашады.

 Қазіргі еңбек  нарығында бәсекеге қабілетті болу – әуелі мамандықты дұрыс таңдау болса, екінші таңдаған мамандығыңыз бойынша сапалы білім алу. Бұл мақсатқа жету – талапкердің арманы. Арманыңызды іске асыру үшін білім деңгейінің аты емес (жоғары немесе орта арнаулы), оның сапасы маңызды. Сапалы білім беретін «Абылай хан» колледжі туралы жалпы ақпараттар жиыны, оқу орнының тыныстіршілігі колледжіміздің веб сайтында көңіл толарлықтай шоғырландырылған. Сіздің мамандықты дұрыс таңдауыңыз өмір бойы болашақ жұмысыңызға негіз және кәсіби қызметіңізде өзіңізді көрсетуге, өсіруге мүмкіндік береді.

 

Қабылдау ережелері

  • Өтініштер  20 маусым мен 20 тамыз аралығында, сырттай оқу бөліміне 20 маусым мен 20 қыркүйек аралығында қабылданады.

Талапкер тапсыратын құжаттар тізімі:

-          мектепті бітіру туралы аттестат немесе куәлік (түпнұсқа)

-          086-У, 063У медициналық формадағы анықтама

-          көлемі 3х4 (6-фотосурет)

-          жеке бас куәлігі немесе туу туралы куәлік (түпнұсқа,  көшірме)

  • Түсу емтихандары күндізгі оқу бөліміне 1 тамыздан  28 тамыз аралығында, сырттай оқу бөліміне 16 тамыздан  20 қыркүйек аралығында тест жүргізу түрінде өткізіледі. Әрбір пән бойынша тест сұрақтарының саны – 25. Әрбір тест сұрағына берілген дұрыс жауап  1 балмен бағаланады.

Оқушылар құрамына қабылдау конкурсына қатысу үшін кем дегенде 20 балл алған (9 сынып бітірушілері үшін), кем дегенде 35 балл алған (11 сынып бітірушілері үшін) және бейінді пән бойынша кем дегенде 10 балл алған талапкерлер жіберіледі.

Оқу мерзімі:  9 сынып негізінде – 3 жыл 10 ай, 11 сынып негізінді – 2 жыл 10 ай. Қазақ және орыс тілінде оқитын оқушылар мемлекеттік тапсырыс есебінен  бюджет негізінде және шарт негізінде қабылданады.

        

Колледж төмендегі мамандықтар бойынша мамандар даярлайды:

 

0101000 – Мектепке  дейінгі білім беру және тәрбиелеу

 

0105000 – Бастауыш  білім беру

 

0516000 – Қаржы (салалар бойынша)

 

0103000 – Дене тәрбиесі және спорт

 

0518000 – Есеп және аудит (салалар бойынша)  

 

0201000 – Құқықтану

 

1517000 – Төтенше  жағдайда қорғау

 

0809000 – Мұнай және газ-кен орындарын пайдалану

 

1401000 – Ғимараттар мен құрылымдарды салу және пайдалану

 

1211000 – Тігін өндірісі және киімдерді үлгілеу

 

1509000 – Экология және табиғатты қорғау қызметі

 

1304000 – Есептеу техникасы және бағдарламалық қамтамасыз ету